Pakistanda özbék militantlar bilen qebile jengchiliri otturisidiki toqunush dawamlishiwatidu

2007-03-31
Élxet
Pikir
Share
Print

Pakistanning, afghanistan chégrisi yéqinidiki jenubiy weziristan rayonda panahlan'ghan özbék militantlar bilen yerlik qebililer otturisida 19‏- mart küni bashlan'ghan toqunushlar dawamlashmaqta. Shenbe künidiki toqunushlarda her ikki terep rakita we zembrek qatarliq éghir tipitiki qorallar ishletken.

Pakistan ichki ishlar ministiri aftap exmetxan shirpaw, jüme küni özbék militantlar bilen yerlik qebile jengchiliri ottursida yüz bergen toqunushlarda 50 din artuq kishining ölgenlikini bildürdi.

Pakistan da'irilirining xewer qilishiche, jenubiy weziristandiki toqunushlarda hazirghiche 213 kishi ölgen bolup, ölgenlerning 177 si özbék militantlar iken.

Pakistan hökümiti, yerlik qebililer bilen rayonda panahlan'ghan özbék militantlar otturisidiki toqunushlarni, hökümetning pakistan afghanistan chégra rayondiki chet'ellik militantlarni yerlik qebililerning qoli arqiliq yuq qilish pilanning ghelibisi dep qarimaqta.

Pakistan hökümiti bir nechche qétim keng kölemlik herbiy heriketler élip barghan bolsimu, emma afghanistandiki talibanlar hakimiyiti gumran bolghandin kéyin, pakistan - afghanistan chégra rayonida panahlan'ghan chet'ellik militantlarni rayondin chiqralmighan. Bu herikitide meghlup bolghan pakistan hökümiti yéqinda yerlik qebililer bilen tinchliq kélishimi imzalighan idi. Bu kélishimge asasen pakistan hökümiti rayonda herbiy heriket élip bérishni toxtitishni qobul qilghan. Yerlik qebililer bolsa, chet'ellik militantlarning rayonda pa'aliyet élip bérishigha ruxset bermeslikini wede qilghan. Emma pakistan hökümitining qebililer bilen imzalighan kélishimi gherb döletliri bolupmu afghanistan hökümitining tenqidige uchrighan. Ular bu kélishim talibanlarning rayonda erkin pa'aliyet élip bérishigha ikmaniyet yaritip béridu dep körsetmekte. (Qanat)

Pikirler (0)
Share
Toluq bet