Prézidént musherrepning qyinchiliqi künsiri köpeymekte


2007.07.21
Share on WhatsApp
Share on WhatsApp

Pakistan armiyisining qizil meschitke qaratqan hujumi bilen , pakistandiki diniy gurppilarning hujum nishanigha aylan'ghan pakistan prézidénti musherrep, jüme küni pakistan aliy sotining qarari bilen siyasiy jehettin téximu qyin ehwalgha duch keldi.

Pakistan aliy soti jüme küni, mart éyida prézidént musherrep teripidin wezipisidin élip tashlan'ghan, pakistan aliy sotining re'isi iptixar muhemmet chodrini wezipisige qaytidin teyinlesh toghrisida qarar chiqarghan hemde prézidént musherrepning chodirini chiriklik bilen eyiblep aliy sotqa sun'ghan erzini ret qilghan.

Siyasiy mulahizichiler, pakistan aliy sotining qarari, pakistan armiyisining ötken hepte qizil meschitke qaratqan herbiy herikitidin kéyin, pakistandiki diniy guruppilar hökümetke qarshi hujumlirini köpeytken bir peyitte, prézidénti musherrepning pakistanda turaqliqni qaytidin tiklesh herikitini téximu qyinlashturudighanliqini bayan qilishmaqta.

Ularning éytishiche, aliy sotining qarari, prézidént musherrepning aliy sotning re'isi chodirini wezipisidin élip tashlighanliqigha qarshi pakistanda keng kölemlik naraziliq namayishi élip bériwatqan öktichi pa'aliyetchilerning naraziliq heriketlirini téximu kéngeytishige seweb bolushi mumkin iken.

Pakistan bixeterlik qisimliri bilen qizil meschittiki radikal diniy guruhlar otturisidiki qoqunushlarning, 7 xitay puqrasining qizil meschitning diniy oqughuchiliri teripidin göröge élinishining arqisida bashlighanliqi sewebidin, pakistan armiyisining qizil meschitke qarita élip barghan herbiy herikitidin kéyin, pakistandiki xitay nishanlirigha qartilghan hujumlar köpeygen bolup, xitay ishchilirining mashina etritige qarita élip bérilghan özini öltürüwélish xaraktérlik hujumda 30 yéqin kishi ölgen idi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet