Әсиргә чүшүшкә рази болмиған талибан каттибеши өзини партлитивалди


2007.07.24
Share on WhatsApp
Share on WhatsApp

Ройтерс агентлиқиниң исламабаттин бәргән хәвиригә асасланғанда,-24 июл күни пакистан һөкүмәт армийисигә қарши қораллиқ күч болған талибанлар каттибешидин бири болған, абдулла мәхсуд ,пакистанниң афғанистан чегра райони әтрапида һөкүмәт армийисигә тәслим болушни рәт қилип, қол бомбиси билән өзини партлитип өз һаятини ахирлаштурған.

Абдулла мәхсуд -2004 йили пакистанниң җәнубий вазиристанда икки нәпәр хитай енҗинерни гөрүгә елиш билән әйиблинип пакистан һөкүмити тәрипидин тутуш буйруқи чиқирилған иди.

Бу йил 31 яшқа киргән абдуллаһ мәхсуд , илгири талибан һәмдә әлқаидә күчлири билән алақиси бар дәп америкиниң гуантанамо түрмисигә икки йилдин артуқ қамалғандин кейин гуантанамодин қоюп берилгинигә үч йил болған .

Пакистан армийисиниң ипадилишичә , абдулла мәхсуд билән һөкүмәт армийиси арисидики етишиш йерим саәт давамлашқан, пакистан армийиси абдулла мәхсуд вә униң җәңчилирини тәслим болушқа қистиған болсиму ,абдулла мәхсуд тәслим болушқа рази болмай өзини партлитивалған. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт