Nawaz sherif pakistandin qayturup chiqiriwétildi


2007-09-10
Share

10-Séntebir islam'abad ayrodromigha yétip kelgen sürgünde yashawatqan pakistan sabiq bash ministiri nawaz sherif, iqtisadiy jinayet bilen eyiblinip , shu küni se'udi erebistan'gha uchidighan ayropilan'gha yollinip, pakistandin qayturuwétildi.

Érusalém pochta gézitide xewer qilinishiche, qara kiyin'gen pakistan alahide etret ezaliri ayrodromgha kirgen hemde sherif ependini qorshiwalghan we uningdin pasportini tapshurushni telep qilghan bolsimu, sherif ependi pasport tapshurushni ret qilghan.

Nawaz sherif yekshenbe küni londondin pakistan'gha qarap uchush aldida , pakistan prézidénti général perwiz musherrep agahlandurush bérip, hökümetning sherif ependini qolgha élishi we pakistandin qoghlap chiqiriwétishi mumkinlikini otturigha qoyghan idi.

Sherif ependi 1999- yili hoquqini perwiz musherrepning herbiy hakimiyitige tartquzup qoyghan bolup, u bu yil axirida pakistanda ötküzülidighan prézidént saylimida prézidént perwiz musherrepke jeng élan qilish niyitini ipadiligen.

Melum bolushiche, sherif ependining iqbaligha chiqqan uning qollighuchiliri bilen saqchilar arisida toqunush yüz bergen bolup, saqchilar tosuq qurup sherif ependini qollighuchi ammini uning bilen körüshkili qoymighan.

Amérika aqsaray, sherif ependining pakistandin qayturuwétilishini pakistanning ichki ishi, dep süretligen bolsimu, emma bu yil küzde pakistanda élip bérilidighan saylamning adil bolushini ümid qilidighanliqini ipadilidi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet