Пакистанда өктичи партийә рәһбири террорчи дегән җинайәт билән әйипләнди


2007.11.14

Франсийә агентлиқиниң пакистандин 14 ‏- ноябир күни хәвәр қилишичә, йәрлик сақчи башлиқи малик муһәммәд иқбал бүгүн пакистанниң лаһур шәһиридики бир алий мәктәптә намайиш қилғанлиқи үчүн қолға елинған өктичи партийә рәһбири емранханни, "намайишта хәлқни қолиға қорал елип ички уруш қилишқа чақирғанлиқи үчүн 'террорчилиққа қарши туруш қануни' буйичә җазаға тартилиду" дәп җакарлиған.

Хәвәрдә баян қилинишичә, пакистанда 11 ‏- айниң 3 ‏- күни һәрбий һаләт йүргүзүлгәндин кейин, пакистанниң бихәтәрлик қисимлири һазир җайларда йүз бәргән зор көләмлик намайишларни зор күч билән чәклимәктә. Әмма пакистандики өктичи партийиләр келәр йили 1 ‏- айда өткүзилидиған сайламдин бурун президент пәрвиз мушәррәпкә қарши охшимиған шәкилдә һәрикәт елип беришни пиланлимақта.

Бинәзәр бутто ханимниң қаришичә, һәрбий һаләт йүргүзүлүп хәлқниң асаси һоқуқини ишлитиши чәклимигә учриған әһвал астида сайлам өткүзүлсә, беләт ташлаш қатарлиқ бирмунчә әмәлий басқучлар оңушсизлиққа учрайду. Шуңлашқа у һазир пакистанда демократийини әслигә кәлтүрүш үчүн техиму кәң даирилик иттипақ түзүш үчүн тиришмақта. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.