Pakistanda öktichi partiye rehbiri térrorchi dégen jinayet bilen eyiplendi
2007.11.14
Fransiye agéntliqining pakistandin 14 - noyabir küni xewer qilishiche, yerlik saqchi bashliqi malik muhemmed iqbal bügün pakistanning lahur shehiridiki bir aliy mektepte namayish qilghanliqi üchün qolgha élin'ghan öktichi partiye rehbiri émranxanni, "namayishta xelqni qoligha qoral élip ichki urush qilishqa chaqirghanliqi üchün 'térrorchiliqqa qarshi turush qanuni' buyiche jazagha tartilidu" dep jakarlighan.
Xewerde bayan qilinishiche, pakistanda 11 - ayning 3 - küni herbiy halet yürgüzülgendin kéyin, pakistanning bixeterlik qisimliri hazir jaylarda yüz bergen zor kölemlik namayishlarni zor küch bilen cheklimekte. Emma pakistandiki öktichi partiyiler kéler yili 1 - ayda ötküzilidighan saylamdin burun prézidént perwiz musherrepke qarshi oxshimighan shekilde heriket élip bérishni pilanlimaqta.
Binezer butto xanimning qarishiche, herbiy halet yürgüzülüp xelqning asasi hoquqini ishlitishi cheklimige uchrighan ehwal astida saylam ötküzülse, bélet tashlash qatarliq birmunche emeliy basquchlar ongushsizliqqa uchraydu. Shunglashqa u hazir pakistanda démokratiyini eslige keltürüsh üchün téximu keng da'irilik ittipaq tüzüsh üchün tirishmaqta. (Weli)
Munasiwetlik maqalilar
- Pakistan saqchiliri binezer buttoni yenimu qattiq nazaret astigha aldi
- Musherrep herbiy haletni bikar qilishni ret qildi
- Pakistanda weziyet jiddileshmekte
- Bush musherrepning herbiy hoquq üstidin istipa bérishini teshebbüs qildi
- Xelq'ara pakistanning siyasiy weziyiti heqqide téz inkas qayturmaqta
- Pakistan kirzis ichide qaldi
- Amérika we en'gliye pakistan prézidénti perwiz musherrepke bésim ishlitishni kücheytti
- Pakistanning herbiy halet élan qilishi xelq'ara jemiyetning diqqitini tartti
- Butto, pakistan armiyisining pinsiyige chiqqan générallirini partlash weqesige jawabkar dep eyiblidi
- Pakistan prézidént saylimi lal meschitining kölenggüside qaldi