Пакистанниң сабиқ баш министири бәнәзир бутто ханим сүйиқәст билән өлтүрүлди


2007.12.27

Пакистан хәлқ партийисиниң рәһбири, сабиқ пакистан баш министири бинәзәр бутто пәйшәнбә күни пакистанниң пайтәхти ислам абадниң йенидики лавурпенди шәһиридә сайлам тәйярлиқлири үчүн елип берилған колликтип йиғилишта өзини өлтүрүвелиш характерлик һуҗумға учрап қаза қилди.

Партлашта аз дегәндә 16 адәм һаятидин айрилған вә нурғун адәм яриланған болуп, буниң билән пакистан сақчи даирилири хәлқни өйлиридин айрилмаслиққа агаһландурған. Нөвәттә бәнәзир бутто ханимниң өлүми сәвәблик пакистанда интайин чоң қалаймиқанчилиқларниң мәйданға келидиғанлиқи пәрәз қилинмақта .

Пакистан президенти пәрвиз мушәррәп, бу қетимқи һуҗумни қаттиқ әйибләп, хәлқниң сәвирчан болушини тәләп қилди.

Америка башлиқ һәрқайси дөләтләрму охшашла мәзкүр һуҗумни әйибләп, буниң пакистанниң ички вәзийитини яхшилаш үчүн көрситилгән тиришчанлиқларни битчит қилиштин сирт, техиму көп террорлуқ вәқәлириниң мәйданға келишигә сәвәб болидиғанлиқини билдүрмәктә.

Бинәзәр бутто ханим, америкиниң террорчилиққа қарши күришини изчил қоллап ‏- қуввәтләш билән биргә, пакистанда демократик бир һакимийәт бәрпа қилиш үчүн бир өмүр сиясий күрәш елип барған пакистан миллий рәһбири һесаблиниду. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.