Pakistanning sabiq bash ministiri benezir butto xanim süyiqest bilen öltürüldi


2007.12.27

Pakistan xelq partiyisining rehbiri, sabiq pakistan bash ministiri binezer butto peyshenbe küni pakistanning paytexti islam abadning yénidiki lawurpéndi shehiride saylam teyyarliqliri üchün élip bérilghan kolliktip yighilishta özini öltürüwélish xaraktérlik hujumgha uchrap qaza qildi.

Partlashta az dégende 16 adem hayatidin ayrilghan we nurghun adem yarilan'ghan bolup, buning bilen pakistan saqchi da'iriliri xelqni öyliridin ayrilmasliqqa agahlandurghan. Nöwette benezir butto xanimning ölümi seweblik pakistanda intayin chong qalaymiqanchiliqlarning meydan'gha kélidighanliqi perez qilinmaqta .

Pakistan prézidénti perwiz musherrep, bu qétimqi hujumni qattiq eyiblep, xelqning sewirchan bolushini telep qildi.

Amérika bashliq herqaysi döletlermu oxshashla mezkür hujumni eyiblep, buning pakistanning ichki weziyitini yaxshilash üchün körsitilgen tirishchanliqlarni bitchit qilishtin sirt, téximu köp térrorluq weqelirining meydan'gha kélishige seweb bolidighanliqini bildürmekte.

Binezer butto xanim, amérikining térrorchiliqqa qarshi kürishini izchil qollap ‏- quwwetlesh bilen birge, pakistanda démokratik bir hakimiyet berpa qilish üchün bir ömür siyasiy küresh élip barghan pakistan milliy rehbiri hésablinidu. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.