Пакистан президенти пәрвиз мушәррәп һәрбий һоқуқидин истипа бәрмәкчи


2007.11.26

Пакистан президенти пәрвиз мушәррәпниң баянатчисиниң билдүрүшичә, мушәррәп пәйшәнбә күни йәни 29- ноябир, һәрбий һоқуқидин истипа берип, рәсмий бир авам-хәлқ рәһбири сүпитидә қәсәм берип иккинчи нөвәтлик президентлиқ мусаписини башлимақчи.

Франсийә агентлиқида көрситилишичә, мушәррәпниң баянатчиси рәшид қурәйиши: "президент мушәррәп 29 - ноябир бир авам - хәлқ президенти сүпитидә қәсәм бериду вә 27 - вә 2 - ноябир күнлири һәрбий қоманданлиқ штаблириға хошлишиш зиярити елип бариду" дегән.

Мушәррәп бу йил 3 - ноябир пакистан алий сотини бикар қилип һәрбий һаләт елан қилғандин буян, хәлқара җәмийәт мушәррәпкә һәрбий формисини селиветиш вә һәрбий һаләтни аяғлаштуруш җәһәттә қаттиқ бесим ишлитип келиватқан иди.

Мәлум болушичә, пакистанда келәр йили елип берилидиған омуми сайлам 2008- йили 8- январға орунлаштурулған болуп, мәзкур сайламға сүргүндики һаятини аяқлаштуруп йеқинда пакистанға қайтқан сабиқ баш министири бинәзәр бутто вә 1999- йили мушәррәп тәрипидин ағдурулуп сүргүндә яшашқа мәҗбур болған сабиқ баш министир наваз шерифләр өзлирини пакистан президентлиқ намзатиға көрсәткән.

Генерал пәрвиз мушәррәп 1999- йили авам хәлқ рәһбәрликидики һакимийәтни ағдуруп, һоқуқ игилигән болуп, һазирғичә пакистанниң президентлиқ вәзиписини өтәп кәлмәктә. (Җүмә‏)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.