Америка ярдәмчи ташқи ишлар минстири, президент мушәррәпни демократийигә қайтшқа чақирди


2007.11.17

Пакистанда зиярәттә болуватқан америка ташқи ишлар ярдәмчи минстири җан негро понти, шәнбә күни, пакистан президенти пәрваз мушәррәп билән учришип, уни демократийигә қайтшқа қайил қилишқа тиришти.

Сиясий анализчилар, америка ташқи ишлар ярдәмчи министириниң пакистан зияритини, пакистанниң пүтүнләй бир сиясий кризис гирдабиға чүшүп кетишиниң алдини елиш үчүн ахирқи пурсәт дәп қаримақта.

Лекин, хәвәрләргә қариғанда, пакистан президенти пәрваз мушәррәп өзиниң мәйданида чиң туруп, америка ташқи ишлар ярдәмчи минстириға пакистанда сайламни тинчлиқ ичидә өткүзүш үчүн, һәрбий һаләт йүргүзүшниң зөрүр икәнликини ейтқан.

Америка ташқи ишлар ярдәмчи минстири җан негро понти, бу қетимқи пакистан зиярити җәрянида, телефон арқилиқ пакистандики сиясий өктичи һәрикәтниң рәһбәрлириниң бери болған, бинәзәр бото биләнму көрүшкән. Хәвәрләргә қариғанда пакистан даирилири, негро понтиниң пакистан зиярити һарписида, өйидә нәзәрбәнт қилинған бинәзәр боттони шундақла атақлиқ бир кишилик һоқуқ паалийәтчисини қоюп берип, сиясий өктичиләрниң бирнәччә телевизор истансиниң қайтидин хизмәт башлишиға рухсәт бәргән.

Америка ташқи ишлар минстирлиқиниң баянатчиси сеан маккорниң билдүрүшичә, негро понти, бинәзәр бото билән учришиш җәрянида, "америка һөкүмити, президент мушәррәпниң пакистанда һәрбий һаләт елан қилғанлиқиға қарши туриду вә пакистандики пүтүн сиясий рәһбәрләрниң тинчлиқ ичидә пакистандики сиясий паалийәтлирини давамлаштурушини үмид қилиду" дәп көрсәткән. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.