Amérika yardemchi tashqi ishlar minstiri, prézidént musherrepni démokratiyige qaytshqa chaqirdi


2007.11.17

Pakistanda ziyarette boluwatqan amérika tashqi ishlar yardemchi minstiri jan négro ponti, shenbe küni, pakistan prézidénti perwaz musherrep bilen uchriship, uni démokratiyige qaytshqa qayil qilishqa tirishti.

Siyasiy analizchilar, amérika tashqi ishlar yardemchi ministirining pakistan ziyaritini, pakistanning pütünley bir siyasiy krizis girdabigha chüshüp kétishining aldini élish üchün axirqi purset dep qarimaqta.

Lékin, xewerlerge qarighanda, pakistan prézidénti perwaz musherrep özining meydanida ching turup, amérika tashqi ishlar yardemchi minstirigha pakistanda saylamni tinchliq ichide ötküzüsh üchün, herbiy halet yürgüzüshning zörür ikenlikini éytqan.

Amérika tashqi ishlar yardemchi minstiri jan négro ponti, bu qétimqi pakistan ziyariti jeryanida, téléfon arqiliq pakistandiki siyasiy öktichi heriketning rehberlirining béri bolghan, binezer boto bilenmu körüshken. Xewerlerge qarighanda pakistan da'iriliri, négro pontining pakistan ziyariti harpisida, öyide nezerbent qilin'ghan binezer bottoni shundaqla ataqliq bir kishilik hoquq pa'aliyetchisini qoyup bérip, siyasiy öktichilerning birnechche téléwizor istansining qaytidin xizmet bashlishigha ruxset bergen.

Amérika tashqi ishlar minstirliqining bayanatchisi séan makkorning bildürüshiche, négro ponti, binezer boto bilen uchrishish jeryanida, "amérika hökümiti, prézidént musherrepning pakistanda herbiy halet élan qilghanliqigha qarshi turidu we pakistandiki pütün siyasiy rehberlerning tinchliq ichide pakistandiki siyasiy pa'aliyetlirini dawamlashturushini ümid qilidu" dep körsetken. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.