Пакистандики икки чоң өктичи партийиниң рәислири бинәзәр бото вә наваз шерип сөһбәтләшмәкчи


2007.12.01

Пакистандики әң чоң икки өктичи партийиниң рәислири бинәзәр бото вә наваз шерип, пакистанда 9‏- январ күни елип берилидиған сайламға қатнишиш -қатнашмаслиқ мәсилсии үстидә сөһбәтлишиш үчүн, дүшәнбә күни учришидикән.

Йеқинда, сәуди әрәбистандин пакистанға қайтип кәлгән наваз шерип, пәйшәнбә күни пакистандики 30 өктичи сиясий партийиниң январ ейида елип берилидиған сайламни байқут қилишни қарар қилғанлиқини һәмдә пакистандики әң асаслиқ икки өктичи партийиниң бери һесабланған, бинәзәр бото рәһбәрлигидики пакистан хәлқ партийисини, сайламни байқут қилишқа қайил қилиш үчүн мәхсус бир комитет қурулғанлиқини җакарлиған иди.

1999‏- Йили пакистандики һакимийити пәрваз мушәррәп тәрипидин ағдурулған наваз шерип, сәуди әрәбистанға сүргүн қилинған иди.

3‏- Ноябир күни пакистанда һәрбий һаләт елан қилған, пакистан президенти пәрваз мушәррәп, гәрчә америка вә ғәрб дөләтлириниң бесими билән пакистан қораллиқ қисимлири қоманданлиқ вәзиписидин истипа бәргән болсиму, әмма, пакистандики һәрбий һаләтни бикар қилиш тоғрисидики тәләпләрни рәт қилмақта. У, 9‏- январ күни пакистанда елип берилидиған сайламниң тинчлиқ ичидә өткүзүлүши үчүн, һәрбий һаләтниң зөрүр икәнликини баян қилмақта. Лекин пакистандики сиясий өктичиләр, пакистандики һәрбий һаләт бикар қилинмиса, демократик вә адаләтлик сайлам елип бериш мумкин әмәс дейишмәктә. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.