Пакистан президент сайлими лал мәсчитиниң көләңгүсидә қалди
2007.10.05
Пакистан алий сот мәһкимиси җүмә күни қарар елан қилип, шәнбә күни өткүзүлидиған пакистан президент сайлимини өз вақтида елип бериш, лекин сайлам нәтиҗисини кечиктүрүп елан қилишни җакарлиди. Көзәткүчиләр, алий сотниң һөкүми бу қетимқи сайламда қайта сайлиниш еһтимали зор болған президент мушәррәпниң, қайта сайлинишида муқимсизлиқ амилини күчәйтти, дәп қарашмақта.
Өктичиләр, мушәррәп һәрбий формиси билән сайламға қатнашса пакистан асасий қануниға хилап икәнликини әскәртип, алий сот мәһкимисигә әрз сунған. Баш сотчи иқбал җүмә күни алий сотниң һөкүми тоғрисидики баянатида "сотчилар сайламни вақтида елип бериш, лекин сайлам нәтиҗисини алий сот өктичиләрниң әрзини көрүп чиққандин кейин елан қилишни қарар қилди,"дәп көрсәтти. Иқбалниң әскәртишичә, алий сот мәһкимиси мушәррәпниң үстидин берилгән әрзни 10 - айниң 17 - күни көрүп чиқидикән.
Пакистан президенти адәттә пакистан мәмликәтлик миллий мәҗлиси вә һәр қайси өлкиләрниң өлкилик миллий мәҗлис әзалири тәрипидин сайлиниду. Бу қетимқи президент сайлими шәнбә күни елип берилидиған болуп, пакистан мәмликәтлик миллий мәҗлис сайлими келәр йили 1 - айда өткүзүлиду.
Алий сотниң җүмә күни елан қилған һөкүмидин кейин, мушәррәп шәнбә күнки сайламда утуп чиққан тәқдирдиму, лекин униң президентлиқ орниға олтуруш яки олтуралмаслиқи, алий сотниң 7 - өктәбирдә елан қилидиған ахириқи һөкүмигә бағлиқтур. Мушәррәп бу йил язда хитай паһишилирини гөрүгә тутқан лал мәсчитниң талиплирини бастуруп, диндар гуруһларниң ғәзипини қозғиған иди. Бу қетим у өктичи партийиләрниң һәрбий порма билән сайламға қатнишиш қанунсиз, дәйдиған риқабитигә дуч кәлмәктә. (Әркин)
Мунасивәтлик мақалилар
- Пакистан һөкүмити, 'пакистан хәлқи бин ладинниң чақириқини қоллимайду,' деди
- Наваз шәриф пакистандин қайтуруп чиқириветилди
- Һиндистандики партлашта аз дегәндә 20 киши өлди
- Нигерийидә бир хитай аял өлтүрүлди
- Пакистанниң қутқузуш буюмлири уйғурларниң көңлини уталамду ?
- Хитай, уйғур паалийәтчиләрни тапшуруши һәққидә пакистанға бесим қилмақта
- Пакистанда елип берилған өзини өлтүрүвелиш характерлик һуҗумда 9 киши өлди
- Әлқаидичиләр пакистанға һуҗум қилиш һәққидә 8 - айниң 1 - күни видио хәвири тарқатти
- Қизил мәсчиттә йәнә партлаш вәқәси йүз бәрди