Әлқаидичиләр пакистанға һуҗум қилиш һәққидә 8 ‏- айниң 1 ‏- күни видио хәвири тарқатти


2007.08.01
Share on WhatsApp
Share on WhatsApp

Бирләшмә агентлиқиниң қаһирәдин 8 ‏- айниң 1 ‏- күни хәвәр қилишичә, афғанистанда америка қошунлириниң баграм һава армийә базисидики түрмисидин қачқан әлқаидичиләрниң командири абу йәһя ләби бүгүн интернеттә видио хәвири тарқитип, пакистанни дәрһал генерал пәрвиз мушәррәпни ағдуруп ташлап, қизил мәсчит вәқәси үчүн өч елишқа чақирған. Әлқаидичиләрниң бу һәрикити дәл афғанистан һөкүмити билән талибанлар оттурисидики сөһбәт бузулғандин кейин йүз бәрди.

Шинхуа агентлиқиниң кабулдин хәвәр қилишичә, талибанларниң қораллиқ қисим баянатчиси йүсүп әхмәд 8 ‏- айниң 1 ‏- күни, талибанлар билән афғанистан һөкүмити оттурисидики сөһбәт бузулғанлиқини, талибанлар гөрүгә еливалған җәнубий корийиликләрниң аллиқачан башқа җайға йөткәп кетилгәнликини җакарлиған.

Хәвәрдә баян қилинишичә, талибанлар җәнубий корийиниң афғанистанға 200 нәпәр әскәр әвәткәнликигә наразилиқ билдүрүп , 7 ‏- айниң 19 ‏- күни афғанистанниң ғәзнә өлкисидики бир ташйолда 23 нәпәр корийиликни гөрүгә еливалған иди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт