Pakistanning herbiy halet élan qilishi xelq'ara jemiyetning diqqitini tartti

Shenbe küni pakistan prézidénti perwiz musherrep pütün memliket boyiche jiddiy herbiy halet qilin'ghandin kéyin, xelq'ara jemiyetning naraziliq qozghaldi. Yekshenbe küni amérika tashqi ishlar ministiri kondaliza rayis amérikining bu mesile heqqidiki meydanini bayan qilip, amérikining musherrepning herbiy halet élan qilishtin ilgirila buninggha qarshi chiqqanliqini bildürdi.

Amérika awazi radi'osining xewer qilishiche, amérika tashqi ishlar ministirliki pakistanning nöwettiki weziyitidin xatirjemsizlik hes qilip, pakistanning démokratik tüzümni tézdin eslige keltürüshini telep qilidighanliqini iz 'har qilghan.

Amérika terep prézidént perwish musherrepning wedisige wapa qilip, ikkinchi nöwet prézidéntliq möhlitini öteshtin ilgiri özining barliq herbiy rehberlik wezipiliridin istipa bérishini hemde kéler yili 1-ayda pütün memliket boyiche saylam élip bérishni otturigha qoyghan.

B b s agéntliqining xewer qilishiche, yekshenbe küni her qaysi jaylardiki öktichilerdin 500 din artuq adem qolgha élin'ghan. Hökümet terep parlamént saylimining kéchiktürilidighanliqini bildürgen hemde jüme küni musherrep, musteqil ammiwi axbarat wasitilirini taqash bilen aliy sot re'sining wezipisini qaldurghan. U, bu ishlarning hemmisini pakistanning radikal küchlerning tehditige duch kelgenliki bilen baghlighan bolsimu, lékin öktichi we addiy puqralarning naraziliqini kücheytiwetken. ( Ümidwar)