Пакистанда вәзийәт җиддиләшмәктә


2007.11.10

Америка президенти җурҗ буш, шәнбә күни тиксас штатидики дачисида германийә баш минстири ангила меркел билән бирликтә өткүзгән мухбирларни күтүвелиш йиғинида, пакистан президенти пәрваз мушәррәпниң, келәр йили феврал ейида пакистанда сайлам өткүзүдиғанлиқи вә пакистанда һәрбий һаләтни бикар қилидиғанлиқи тоғрисидики сөзлиригә, ишиндиғанлиқини билдүрди.

Лекин, пакистанда вәзийәт күнсири җиддийлишиватқан болуп, пакистанниң сабиқ баш минстири вә өктичи рәһбири бинәзәр ботто, пакистанда демократийини қайтидин тикләш үчүн, президент пәрваз мушәррәпниң пакистанда һәрбий һаләт елан қилғанлиқиға қарши башлатқан һәрикитини давамлаштурудиғанлиқини тәкитлимәктә. Бинәзәр ботто, бүгүн пакистан һөкүмитиниң агаһландурушлириға қаримай, пакистанлиқ жорналистлар тәрипидин ислам абатта уюштурулған бир наразилиқ һәрикитигә қатнашти.

Бу арида пакистан мәтбуатиниң хәвәр қилишичә, пакистандики җиддий вәзийәт сәвәбидин, пакистан һөкүмити, пакистанниң ғәрбий шмал районида йәни талибанлар күнсири тәсир даирисини кеңәйтиватқан районлардики кархана вә чоң қурулушларда ишләватқан хитай инженерлирини ислам абатқа йөткигән. Хәвәрдә ейтилишичә, пакистанниң ғәрбий шималидики шунңла райониға җайлашқан һидәл електир истансисидики қурулуш паалийити тохтитилған болуп, бу йәрдә ишләйдиған йүзлигән хитай инженер вә ишчилири ислам абатқа орунлаштурлған.

Пакистан ички ишлар минстири афтап әхмәтхан шерпав, һөкүмәтниң хитай пуқралириниң бихәтәрликигә капаләтлик қилиш үчүн бундақ бир тәдбир елишни қарар қилғанлиқини билдүрди.

Йеқинда, пакистан мәркизи һөкүмитигә қарши партизанлиқ урушиға башлиған, пакистанниң ғәрбий шималий районидики милитанлар сиват райониниң контроллиқини асасән қолға алғанлиқини җакарлиған иди. Пакистандики милитанларниң афғанистандики талибан күчлири билән йеқин алақиси барлиқи вә улар билән йеқиндин һәмкарлишиватқанлиқи баян қилинмақта. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.