Пакистан даирилири хитай қурулуш хадимлирини қоғдашни күчәйтти


2005-01-06
Share

Пакистан һөкүмити, пакистанниң оттура қисмидики бир нефитликтә ишләватқан хитай қурулуш хадимлириниң аманлиқини қоғдашни күчәйтти.

Америка бирләшмә ахбарат агентлиқиниң хәвиригә қариғанда, хитай қурулуш хадимлири хизмәт қиливатқан нефитликниң әтрапидики қәбилиләрдики кишиләр йеқинда намайиш өткүзүп, һөкүмәттин мәзкур нефитликтин иш беришни тәләп қилған.

Пакистан һөкүмити гәрчә һазирчә хитай қурулуш хадимлири һечқандақ тәһдидкә учримисиму, әмма алдин тәдбир елишниң муһимлиқини билдүргән. Хәвәргә қариғанда, пакистан даирилири хитай қурулуш хадимлирини қоғдайдиған сақчи вә һәрбийләрниң санини көпәйткән.

Хитай пакситанниң йеқин иттипақдиши болғанлиқи үчүн, нәччә йүзлигән хитайлар пакистанға килип, нурғун қурулушларда ишлимәктә. Бирақ бәзи йәрликләр буниңға нарази болған.

Өткән йили 10 - айда җәнубий вазиситандики су иншаати қурулушида ишләватқан икки хитай инжинери , уларниң шопури вә бир нәпәр аманлиқ сақлиғучи хадим йәрлик милитан гуруппилар тәрипидин гөрүгә елинип, бир хитай инжинери етип өлтүрүлгән. Йәнә бири болса қутқузивелинған иди.(Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт