Pakistan da'iriliri xitay qurulush xadimlirini qoghdashni kücheytti

Pakistan hökümiti, pakistanning ottura qismidiki bir néfitlikte ishlewatqan xitay qurulush xadimlirining amanliqini qoghdashni kücheytti.

Amérika birleshme axbarat agéntliqining xewirige qarighanda, xitay qurulush xadimliri xizmet qiliwatqan néfitlikning etrapidiki qebililerdiki kishiler yéqinda namayish ötküzüp, hökümettin mezkur néfitliktin ish bérishni telep qilghan.

Pakistan hökümiti gerche hazirche xitay qurulush xadimliri héchqandaq tehdidke uchrimisimu, emma aldin tedbir élishning muhimliqini bildürgen. Xewerge qarighanda, pakistan da'iriliri xitay qurulush xadimlirini qoghdaydighan saqchi we herbiylerning sanini köpeytken.

Xitay paksitanning yéqin ittipaqdishi bolghanliqi üchün, nechche yüzligen xitaylar pakistan'gha kilip, nurghun qurulushlarda ishlimekte. Biraq bezi yerlikler buninggha narazi bolghan.

Ötken yili 10 - ayda jenubiy wazisitandiki su insha'ati qurulushida ishlewatqan ikki xitay inzhinéri , ularning shopuri we bir neper amanliq saqlighuchi xadim yerlik militan guruppilar teripidin görüge élinip, bir xitay inzhinéri étip öltürülgen. Yene biri bolsa qutquziwélin'ghan idi.(Arzu)