Pakistan bilen xitay énérgiye we néfit tebi'i gaz turuba kélishimi imzalidi


2006-04-28
Share

Pakistan prézidénti perwiz musherrep, junggoning ottura we gherbiy asiyadin import qilidighan néfitni pakistan arqiliq Uyghur aptonom rayonigha yetküzüwélishke yol béridighanliqini bildürdi.

Pakistan we xitay emeldarlirining peyshenbe küni élan qilghan bayanatida ilgiri sürüshiche, ikki dölet énérgiye sahesi we néfit, teb'iy gaz qézish, turuba yatquzush türliri boyiche hemkarliq kélishimi imzalighan. Kélishim boyiche pakistan ottura we gherbiy asiyaning mol teb'iy gaz we néfitini qandaq qilip pakistan zémini arqiliq Uyghur aptonom rayoni we xitaygha yetküzüsh yolliri üstide tetqiqat élip bérishke wede qildi.

Fransiye axbarat agéntliqining eskertishiche, pakistan prézidénti perwiz musherrep, "biz énérgiye sahesidiki hemkarliqimizni bolupmu néfit esliheliri, néfit ambarliri we teb'iy gaz turubilirini yatquzush türliri boyiche emilileshtürüshke tirishimiz," deydu. Perwiz musherrep, kélishim imzalash murasimida xitay wekiller ömikige pakistanning xitayni ottura asiya we paris qoltuqidin import qilghan néfitni toshushqa yol bilen teminleydighanliqini bildürgen. Biz énérgiye turubisi we tömür yol qurush arqiliq ikki dölet iqtisadini tutashturidighan 9 we 10 - möjizini yaritalaymiz," dégen. Qara qurum tash yoli qurulghanda perwiz musherrep buni dunyadiki 8 - möjize, dégen idi.

Jonggo pakistanni qoral- yaraq bilen teminleydighan eng chong dölet shundaqla pakistanning yadro énérgiye istansisi qurushigha yardemleshmekte. Yéqinda amérika bilen hindistan arisida imzalan'ghan yadro énérgiye kélishimi islam'abad da'irilirining ghezipini qozghighan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet