Хитай қисимлири маниверға қатнишиш үчүн пакистанға кәлди


2006.12.11
Share on WhatsApp
Share on WhatsApp

Дүшәнбә күни 200 дин артуқ хитай һәрбий қисимлири мушу һәптә ичидә пакистан билән бирликтә өткүзүлидиған һәрбий маниверға қатнишиш үчүн пакистанниң шмалийдики тағлиқ районға кәлгән.

Франсийә агентлиқиниң хәвәр қилишичә, хитай һәрбий қисимлирини пакистан әскәрлири абадабад да алаһидә мурасим билән күтүвалған. Бу хитай һәрбий қисимлириниң пакистан территорийисигә тунҗи қетим аяқ бесиши болуп һесаблинидикән. 2004‏- Йили пакистан вә хитай һәрбий қисимлири тунҗи қетим билән бирликтә һәрбий манивер өткүзгән иди.

Он күн давамлишидиған "достлуқ 2006" дәп аталған бу манивер террорчилиққа бирликтә зәрбә беришни мәқсәт қилидикән. Мутәхәссисләр бу маниверниң хитай президенти ху җинтавниң пакистанни зиярәт қилишидин икки һәптә кейин елип берилғанлиқиға диққәт тартмақта.

Хәвәрләргә қариғанда, хитай билән пакистан оттурисида бихәтәрлик вә һәрбий саһәдики һәмкарлиқ күнсери күчийватқан болуп, хитай пакистан қорал билән тәминләватқан асаслиқ дөләт һесаблинду. Буниңдин сирт йәнә хитай һөкүмити пакистанға иқтисадий җәһәттин нурғун ярдәм бәрмәктә.

Франсийә агентлиқиниң хәвәр қилишичә, пакистан хитайниң бу ярдәмлириниң бәдилигә уйғурларниң миллий мустәқиллиқ һәрикитини бастуруши үчүн хитай һөкүмитигә ярдәм қилмақта.

Дегәндәк пакистан һөкүмити һазирғичә муһәммәт тохти, исмаил қари қатарлиқ нурғунлиған уйғур паалийәтчилирини хитай һөкүмитигә тапшуруп бәргән һәмдә хитай һөкүмити тәрипидин террорчилиқ билән әйибләнгән шәрқий түркистан исламий һәрикитиниң рәһбири һәсән мәхсум 2003‏- йили пакистаниң шималий вәзиристан районида пакистан һәрбий қисисимлири тәрипидин өлтүрүлгән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт