Xitay qisimliri maniwérgha qatnishish üchün pakistan'gha keldi


2006.12.11
Share on WhatsApp
Share on WhatsApp

Düshenbe küni 200 din artuq xitay herbiy qisimliri mushu hepte ichide pakistan bilen birlikte ötküzülidighan herbiy maniwérgha qatnishish üchün pakistanning shmaliydiki taghliq rayon'gha kelgen.

Fransiye agéntliqining xewer qilishiche, xitay herbiy qisimlirini pakistan eskerliri abad'abad da alahide murasim bilen kütüwalghan. Bu xitay herbiy qisimlirining pakistan térritoriyisige tunji qétim ayaq bésishi bolup hésablinidiken. 2004‏- Yili pakistan we xitay herbiy qisimliri tunji qétim bilen birlikte herbiy maniwér ötküzgen idi.

On kün dawamlishidighan "dostluq 2006" dep atalghan bu maniwér térrorchiliqqa birlikte zerbe bérishni meqset qilidiken. Mutexessisler bu maniwérning xitay prézidénti xu jintawning pakistanni ziyaret qilishidin ikki hepte kéyin élip bérilghanliqigha diqqet tartmaqta.

Xewerlerge qarighanda, xitay bilen pakistan otturisida bixeterlik we herbiy sahediki hemkarliq künséri küchiywatqan bolup, xitay pakistan qoral bilen teminlewatqan asasliq dölet hésablindu. Buningdin sirt yene xitay hökümiti pakistan'gha iqtisadiy jehettin nurghun yardem bermekte.

Fransiye agéntliqining xewer qilishiche, pakistan xitayning bu yardemlirining bedilige Uyghurlarning milliy musteqilliq herikitini basturushi üchün xitay hökümitige yardem qilmaqta.

Dégendek pakistan hökümiti hazirghiche muhemmet toxti, isma'il qari qatarliq nurghunlighan Uyghur pa'aliyetchilirini xitay hökümitige tapshurup bergen hemde xitay hökümiti teripidin térrorchiliq bilen eyiblen'gen sherqiy türkistan islamiy herikitining rehbiri hesen mexsum 2003‏- yili pakistaning shimaliy weziristan rayonida pakistan herbiy qisisimliri teripidin öltürülgen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.