Pakistan qisqa musapiliq bashqurilidighan bomba siniqi élip bardi

Pakistan bilen hindistan emeldarliri keshmir mesilisini söhbet arqiliq hel qilishqa tirishiwatqan mezgilde, pakistan charshenbe küni yadro oq béshigha ige qisqa musapiliq bashqurulidighan bomba siniqi élip bardi.

Emma pakistan dölet mudapi'e ministirliqining emeldarliri, bu qétimliq bashqurulidighan bomba siniqining hindistan bilen pakistan otturisidiki söhbetni dawamlashturushqa héchqandaq selbiy tesir körsetmeydighanliqini hemde buning bir siyasiy signalmu emeslikini tekitlidi.

Amérika birleshme agéntliqining xewirige qarighanda, pilan boyiche hindistan we pakistan emeldarliri kéler heptidin bashlap, yadroluq qorallar we da'imiy türdiki qoral-yaraq saheside öz-ara ishinish chariliri toghrisida söhbet ötküzmekchi. Emma hindistan hökümiti bu qétimliq yadro siniqi heqqide téxi derhal inkas qayturmidi.

Pakistan bilen hindistan 1998 - yili yadro siniqi élip barghandin buyan, ikki dölet hazirghiche köp qétim yadroluq bashqurulidighan bomba sinaqlirini qilghan bolup, bu qétimliqi pakistanning 10 kün ichide qoyup bergen ikkinchi qétimliq bashqurulidighan bombisi hésablinidu. Buning bilen pakistan mushu yildila 6 qétim yadro siniqi élip bardi. (Peride)