8 Нәпәр шималий корийилик мусапир чиңдавда җәнубий корийиликләрниң мәктипигә киривалди


2005.10.11
Share on WhatsApp
Share on WhatsApp

Хитайда сәргәрдан болуп йүргән 8 шималий корийилик мусапир, сәйшәнбә күни чиңдавда җәнубий корийәниң бир мәктипигә оғурлуқчә кирип, җәнубий корийәдин сияси панаһлиқ тилиди.

Мәктәп даирилири вәқәни җәнубий корийиниң шу җайдики консулханисиға уқтурғандин кейин, консулхана даирилири мәктәпкә келип мусапирларни елип кәткән. Игилишимизчә, бу 8 шималий корийилик мусапир өткән айда хитайға қечип кәлгән болуп, улар 7 нәпәр шималий корийиликниң хитай даирилири тәрипидин мәҗбури дөлитигә қайтурулғанлиқини аңлиғандин кейин, сәйшәнбә күни җәнубий корийиликләрниң чиңдавдики мәктипигә кирип панаһлиқ тәләп қилған.

Бирләшмә ахбарат агентлиқиниң хәвәр қилишичә, җәнубий корийә ташқи ишлар министирлиқи мусапирларниң һазир чиңдавдики җәнубий корийә консулханисида икәнликини етирап қилған. Әмма хитай даирилири мусапирларниң җәнубий корийигә кетиш үчүн чегридин айрилишиға йол қоюш - қоймаслиқиға баһа беришни халимиған.

Җәнубий корийә ташқи ишлар министирлиқи буниң алдида, хитай даирилириниң 7 нәпәр шималий корийилик мусапирни дөлитигә қайтурувәткәнлики мунасивити билән бейҗиң һөкүмитигә наразилиқ билдүргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.