8 Neper shimaliy koriyilik musapir chingdawda jenubiy koriyiliklerning mektipige kiriwaldi


2005.10.11
Share on WhatsApp
Share on WhatsApp

Xitayda sergerdan bolup yürgen 8 shimaliy koriyilik musapir, seyshenbe küni chingdawda jenubiy koriyening bir mektipige oghurluqche kirip, jenubiy koriyedin siyasi panahliq tilidi.

Mektep da'iriliri weqeni jenubiy koriyining shu jaydiki konsulxanisigha uqturghandin kéyin, konsulxana da'iriliri mektepke kélip musapirlarni élip ketken. Igilishimizche, bu 8 shimaliy koriyilik musapir ötken ayda xitaygha qéchip kelgen bolup, ular 7 neper shimaliy koriyilikning xitay da'iriliri teripidin mejburi dölitige qayturulghanliqini anglighandin kéyin, seyshenbe küni jenubiy koriyiliklerning chingdawdiki mektipige kirip panahliq telep qilghan.

Birleshme axbarat agéntliqining xewer qilishiche, jenubiy koriye tashqi ishlar ministirliqi musapirlarning hazir chingdawdiki jenubiy koriye konsulxanisida ikenlikini étirap qilghan. Emma xitay da'iriliri musapirlarning jenubiy koriyige kétish üchün chégridin ayrilishigha yol qoyush - qoymasliqigha baha bérishni xalimighan.

Jenubiy koriye tashqi ishlar ministirliqi buning aldida, xitay da'irilirining 7 neper shimaliy koriyilik musapirni dölitige qayturuwetkenliki munasiwiti bilen béyjing hökümitige naraziliq bildürgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.