Бейҗиң, римниң йеңи папаси билән мунасивәтни яхшилашни үмид қилмақта


2005.04.03

Хитай һөкүмити йәкшәнбә күни ватиканниң рәһбири болған рим папаси җон паул 2 ниң өлүмигә һесдашлиқини билдүрди һәмдә униң вариси билән икки тәрәп мунасивитини яхшилашни үмид қилидиғанлиқини ипадилиди.

Ройтирис агентлиқиниң хәвиригә қариғанда, хитай ташқи ишлар министирлиқиниң баянатчиси лиюҗәнчав баянатида, "биз рим папаси җон паул 2 ниң кесәллик сәвәбидин өлүп кәткәнликигә тәзийә билдүримиз" дегән. У баянатида йәнә "хитай һөкүмити икки хил пиринсипта чиң турған асаста ватиканниң йеңи рәһбири билән мунасивитимизни яхшилашни үмид қилимиз" дәп көрсәткән.

Хитай билән ватиканниң дипломатик мунасивитини йоқ болуп, хитай компартийиси һакимийәт бешиға чиқип, һәр хил динларни бастуруп, чәтәллик дин тарқатқучиларни чегридин қоғлап чиқарғандин кийин, икки тәрәпниң дипломатик мунасивити 1951 - йили үзүлгән. Ватикан, хитайниң рәқиби болған тәйвәнни етирап қилиду.

Хәвәрдә ейтилишичә, рим папаси җон паул 2 ниң өлүм хәвири чәтәл мәтбуатлирида кәң көләмдә берилгини билән, бирақ хитайниң мәтбуатлирида көп тәкитләнмигән. Хитай һөкүмити гәрчә хитай католиклириниң дөләт йол қойған чиркавларда паалийәт елип беришиға йол қойсиму, бирақ католик муритлириниң ватикан диний җәмийитиниң һакимийитини етирап қилишни чәкләйду. Хитай һөкүмити шундақла йәр асти чиркавларда диний паалийәтләрни елип барған католик муритлирини бастуруп, тутқун қилиду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.