Германийилик кардинал ратзингер рим папалиқиға сайланди

• 
  2005-04-19

Рим папаси җон паул 2 ниң вапатидин кейин ватиканда топланған кардиналлар йиғини, германийилик кардинал җосиф ратзингирни ватиканниң йеңи папалиқиға сайлиди. Буниңдин кейин у өмүриниң ахириғичә католик дунясиниң мәниви даһилиқини үстигә алиду. Католик чиркавлириниң дуня бойичә бир милярд мухлиси бар. Ратзингир, кардиналлар йиғининиң 2 - күни папа җон паулниң вариси шундақла ватикан тарихидики 265 - папа болуп сайланди. Униң папалиқ исми папа бәнәдит XVI дәп аталди.

Ратзингир 1977 - йили рим папаси тәрипидин рим кардинали қилип тәйинләнгән. У, германийидин сайланған 8 - папа болуп һесаблиниду. Бу йил 78 яштики ратзингир, 1981 - йили ватиканға келишниң алдида германийидики мюнхин райониниң кардинали иди.

У, һамилдарлиқниң алдини елиш, қосақтики балини қирдуруш, охшаш җинислиқлар мунасивити қатарлиқ талаш - тартиштики мәсилиләрдә, католик мәзһибиниң әнәниви диний қаришида чиң туруш билән нам чиқарған.

Папа бәнәдит XVI ватикан тарихидики йеши әң чоң папа болуп һесаблиниду. Ватикан баянатчисиниң билдүрүшичә, йеңи папаниң вәзипигә олтуруш мурасими йәкшәнбә күни өткүзүлидикән. (Әркин)