Gérmaniyilik kardinal ratzin'gér rim papaliqigha saylandi


2005-04-19
Share
VATICAN_NEWPOPE_19.sized.jpg

Rim papasi jon pa'ul 2 ning wapatidin kéyin watikanda toplan'ghan kardinallar yighini, gérmaniyilik kardinal josif ratzin'girni watikanning yéngi papaliqigha saylidi. Buningdin kéyin u ömürining axirighiche katolik dunyasining meniwi dahiliqini üstige alidu. Katolik chirkawlirining dunya boyiche bir milyard muxlisi bar. Ratzin'gir, kardinallar yighinining 2 - küni papa jon pa'ulning warisi shundaqla watikan tarixidiki 265 - papa bolup saylandi. Uning papaliq ismi papa benedit XVI dep ataldi.

Ratzin'gir 1977 - yili rim papasi teripidin rim kardinali qilip teyinlen'gen. U, gérmaniyidin saylan'ghan 8 - papa bolup hésablinidu. Bu yil 78 yashtiki ratzin'gir, 1981 - yili watikan'gha kélishning aldida gérmaniyidiki myunxin rayonining kardinali idi.

U, hamildarliqning aldini élish, qosaqtiki balini qirdurush, oxshash jinisliqlar munasiwiti qatarliq talash - tartishtiki mesililerde, katolik mezhibining en'eniwi diniy qarishida ching turush bilen nam chiqarghan.

Papa benedit XVI watikan tarixidiki yéshi eng chong papa bolup hésablinidu. Watikan bayanatchisining bildürüshiche, yéngi papaning wezipige olturush murasimi yekshenbe küni ötküzülidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet