Рим паписи бенедикт 16 тунҗи қетим түркийини зиярәт қилди


2006.11.28

28 ‏- Ноябир күни, рим паписи бенедикт 16 өзиниң тунҗи қетимлиқ түркийә зияритини башлиди. У әнқәрәдә түркийиниң дөләт вә һөкүмәт башлиқлири билән учрашти һәмдә сөһбәтләшти.

Әнгилийә б б с радио телевизийә ширкитиниң хәвәрләр тор бетидә берилгән бу һәқтики мәлуматта көрситилишичә, рим паписи бенедиктниң бу қетимқи түркийә зиярити башлиништин илгири, түркийидә кәң көләмлик намайишлар йүз бәргән болуп, хәлқ рим папасининиг зиярәт қилишиға қаршлиқ билдүргән. Түркийә һөкүмити намайиш түпәйлидин келип чиқидиған қалаймиқанчилиқниң алдини елиш үчүн, нурғунлиған сақчиларни ишқа салған.

Мәлуматта ейтилишичә, рим паписи бенедикт 16 ‏- ниң бу қетимқи түркийә зияритидә, аманлиқни сақлаш үчүн әвәтилгән түркийә сақчилириниң өзи 15 миңдин ашқан. Рим паписи бенедикт 16 ниң билдүришичә, униң бу қетим түркийини зиярәт қилишидики мәқсәт охшимиған дин вә мәдәнийәт оттурисидики өз ара чүшиниш вә һәмкарлишишни күчәйтиш икән.

Лекин у бундин илгири, йәни 9 ‏- айда қилған бир қетимлиқ сөзидә, 14 ‏- әсирдики рим падишаһиниң муһәммәт пәйғәмбәрни тәнқитлигән гепини ишләткәнликтин, дуня мусулманлириниң қаттиқ ғәзипини қозғиған. У әйни чағда бу һәқтә өзи қилған сөз һәққидә чүшәнчә берип, кәчүрүм сориған. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.