Yaponiye hökümiti xitay paraxotlirining yaponiye déngiz tewelikige kirishige qarshiliq bildürdi


2004-12-08
Share

Yaponiye hökümiti charshenbe küni xitayning déngiz-okyan tekshürüsh paraxotining yaponiyige qarashliq iqtisadiy déngiz rayonigha kirishige qarshiliq bildürüp, xitay hökümitining bundaq qilishni derhal toxtitishini yene bir qétim tekitlidi.

Roytérs axbarat agéntliqining xewiride körsitilishiche, yaponiye ichki kabéntining bash sékritari xiroyuki xosada bu heqte, "biz xitay hökümitining bu xildiki pa'aliyetler bilen emdi qayta shoghullanmasliqini küchlük telep qilimiz. Xitayning bu herikitidin men tolimu epsuslandim" dep bildürdi.

Yaponiyining iqtisadiy déngiz rayonigha kirgen bu paraxot, xitayning " pen-téxnika 1 - nomur" namliq charlash paraxoti bolup, buning bilen xitay paraxotlirining yaponiye déngiz rayonigha kirish weqesi 21 qétim yüz berdi.

Xitay paraxoti yaponiyining okinotorishima arilidin 300 kilométir yiraqliqta pa'aliyet élip barghan bolup, xitay hökümiti bu aralning peqet bir qoram tash hésablinip, buni yaponiyining iqtisadiy déngiz rayonigha tewe dep békitishke bolmaydighanliqini tekitleydu.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet