Путин: совет иттипақиниң парчилиниши дуня сияси җуғрапийисидики зор палакәт


2005-04-25
Share

Русийә президенти владимир путин дүшәнбә күни русийиниң дөләт әһвали һәққидә телевизор нутқи сөзләп, сабиқ совет иттипақиниң 1991 - йилдики парчилинишини "20 - әсир дуня сияси җуғрапийисидики зор палакәт," дәп көрсәтти.

Путинниң тәкитлишичә, совет иттипақиниң тарқилиши нәччә милйон русниң яққа - юртларда қелишиға йол ачқан. Әмма русийә президенти, русийә дуч келиватқан һазирқи риқабәт тәрәққиятни илгири сүрүш вә дөләтни демократийиләштүрүш, дәп көрсәтти. У, мәтбуат әркинлики һәққидә тохталған, әмма русийиниң демократийә ислаһат қәдимини өзи таллайдиғанлиқини тәкитлигән. Путин иқтисади мәсилиләр һәққидә " һазир хәлқ турмушидики һалқилиқ саһәләрни дөләт контрол қилиш керәкликини айдиңлаштуруш вақти кәлди." Дегән.

Йелитсин дәвридин кейин владимир путин русийидә һоқуқни мәркәзгә мәркәзләштүрүш қәдимини тезлитишкә башлиған. Америка ташқи ишлар министири кондилиза райис өткән һәптә моксвани зиярәт қилғанда, русийә демократийисиниң истиқбалидин қайғуруватқанлиқини тәкитлигән. Әмма путин, дүшәнбә күнки нутуқида " русийә демократийиси русийиниң дөләт әһвалини чиқиш қилидиғанлиқини билдүрди. У, русийидә " қанунсиз күрәш усуллири" ниң оттуриға чиқишиға йол қоймайду, деди.

Көзәткүчиләрниң илгири сүрүшичә, владимир путин бу йәрдә грозийә, украинийә вә қирғизистандики тинч сияси өгүрүшләрни көздә тутқан. Кишилик һоқуқни қоғдиғучилар, президент путинни мәтбуат әркинликини боғуп, өктичиләргә зәрбә бериш шундақла мустәбитликкә еғиш билән әйиблимәктә иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт