Шималий корийә һөкүмити 9 - сентәбирдики чоң партлаш һәққидә чүшәндүрүш бәрди


2004.09.13
Share on WhatsApp
Share on WhatsApp

Шималий корийә һөкүмити 9 - сентәбир күни шималий корийидә йүз бәргән чоң партлашни, су електр истансиси қуруш үчүн елип берилған бир қетимлиқ тағ партлитиш дәп билдүрди.

Шималий корийиниң ташқи ишлар министири пек намсан (Paek Nam Sun) дүшәнбә күни пийоңяңға зиярәткә кәлгән әнглийиниң шималий корийә ишлириға мәсул ташқи ишлар министири бил раммәл (Bill Rammel) ниң тәлипигә бинаән өткән пәйшәнбә йүз бәргән партлаш вәқәси һәққидә юқириқидәк чүшәндүрүш бәргән.

Шималий корийиниң шималий қисмидики чегра район әтрапида өткән пәйшәнбә күни дәһшәтлик партлаш вәқәси йүз бәргән һәмдә асманға могосиман ис түтәк көтүрүлгән иди.

Чәтәлдики бир қисим мәтбуатлар партлаш дәриҗисиниң еғирлиқини һәмдә партлаш йүз бәргән орунниң шималий корийиниң башқурулидиған бомба базисиға йеқинлиқини билдүрүп, шималий корийиниң атом синиқи елип барғанлиқидин гуман қилмақта. Бирақ әнглийә даирилириниң билдүрүшичә, шималий корийә буни рәт қилған. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт