Shimaliy koriye hökümiti 9 - séntebirdiki chong partlash heqqide chüshendürüsh berdi

Shimaliy koriye hökümiti 9 - séntebir küni shimaliy koriyide yüz bergen chong partlashni, su éléktr istansisi qurush üchün élip bérilghan bir qétimliq tagh partlitish dep bildürdi.

Shimaliy koriyining tashqi ishlar ministiri pék namsan (Paek Nam Sun) düshenbe küni piyongyanggha ziyaretke kelgen en'gliyining shimaliy koriye ishlirigha mes'ul tashqi ishlar ministiri bil rammel (Bill Rammel) ning telipige bina'en ötken peyshenbe yüz bergen partlash weqesi heqqide yuqiriqidek chüshendürüsh bergen.

Shimaliy koriyining shimaliy qismidiki chégra rayon etrapida ötken peyshenbe küni dehshetlik partlash weqesi yüz bergen hemde asman'gha mogosiman is tütek kötürülgen idi.

Chet'eldiki bir qisim metbu'atlar partlash derijisining éghirliqini hemde partlash yüz bergen orunning shimaliy koriyining bashqurulidighan bomba bazisigha yéqinliqini bildürüp, shimaliy koriyining atom siniqi élip barghanliqidin guman qilmaqta. Biraq en'gliye da'irilirining bildürüshiche, shimaliy koriye buni ret qilghan. (Arzu)