Misirdiki isra'iliye sayahetchilirige qaritilghan hujumda 27 adem öldi


2004.10.08
Share on WhatsApp
Share on WhatsApp

Misirning qizil déngiz boyidiki sayahet shehiri taba bilen taba etrapidiki ikki sayahet ornida peyshenbe küni kéchisi bomba partlap, az dégende 27 adem öldi. Ölgenlerning köp qisimi isra'iliyelikler bolup, ularning 25 nepiri tabadiki xilton mihmanxanida yüz bergen partlash weqeside hayatidin ayrilghan. Weqede 120 dek kishining yarilan'ghanliqi élan qilindi. Isra'iliye da'iriliri, weqe aptomobilgha orunlashturulghan bombining partlishidin kélip chiqqanliqini bildürgen. Partlashning küchi mihmanxanini éghir derijide weyran qilghan.Isra'iliye qutquzush xadimliri isra'iliye - misir chégrisidin ötüp tabadiki xilton mihmanxanisigha bardi.

Partlashning qalghan ikkisi taba etrapidiki nuwayba we ras el sultan digen jaylarda yüz bergen bolup, nuwaybadiki partlash weqeside ikki isra'iliyilik sayahetchi ölgen. Misirning isra'iliye chégrisidiki taba rayuni asasliqi isra'iliyiliklerning dem alidighan sayahet orni idi. Weqedin kéyin misirning sinay arilida sayahet qiliwatqan nechche ming isra'iliyilik dölitige qaytti. Isra'iliye hökümiti bu yil 9 - ayda puqralarni mezkur rayun'gha sayahet qilmasliq toghrisida agahlandurghan. Isra'iliye mu'awin dölet mudapi'e ministiri, weqening el qayde we yaki uning bilen munasiwetlik birer teshkilat teripidin élip bérilghan bolush ihtimalliqini ilgiri sürgen. Pelestin radikal islam teshkilati xamas weqe bilen munasiwiti yoqlighini jakarlighan. Weqe yüz bergen kün yehudilar sukkot bayrimining axirqi kéchisige toghra keldi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.