Amérikining se'udi erebistandiki konsulxanisi qoralliq kishilerning hujumigha uchridi


2004-12-06
Share

Düshenbe küni qoralliq militantlar amérikining se'udi erebistanning jidde shehiridiki konsulxanisigha hujum qildi. Amérika birleshme agéntliqining xewer qilishiche, hujum jeryanida militantlar bilen konsulxana amanliq saqlash qisimliri otturisida chiqqan toqunushlarda 7 kishi ölgen we nechchiligen kishi yarilan'ghan. Toqunushta ölgenlerning üchi militantlar iken.

Xewerde éytilishiche, militantlar awal nahayiti yaxshi qoghdiliwatqan konsulxanining derwazisigha partlash doriliri atqan, andin binagha basturup kirip, bir qisim kishilerge qoral tenglep ularni tutup turghan.

Lékin, militantlar bilen se'udi erebistan amanliq saqlash xadimliri otturisida üch sa'etke yéqin dawamlashqan toqunushta, hujum qilghuchilarning üchi ölgen, biri yarilan'ghan we bir hujum qilghuchi tirik qolgha chüshken bolup, militantlargha konsulxana xadimlirini görüge élish pursiti bérilmigen.

Se'udi erebistan ichki ishlar ministirliqi, toqunushlarda ölgenlerning tötining se'udi bixeterlik xadimi ikenlikini bildürdi.

Amérikining se'udi erebistandiki bash elchixanisining bayanatchisining bildürüshiche, militantlarning hujumi jeryanida jidde konsulxanisining ikki yerlik xizmetchisi yarilan'ghan. Emma uning éytishiche, konsulxanining pütün amérikiliq xizmetchiliri saq salamet bolup, ularning héchbiri militantlar teripidin görüge élinmighan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet