Baghdattiki partlashta 13 kishi qaza qildi


2004-12-13
Share

Iraqning sabiq prézidénti sadam hüseyinning qolgha élin'ghanliqigha bir yil toshqan küni, düshenbe iraq paytexti baghdatta özini öltüriwélish xaraktérlik partlash yüz bérip 13 kishining ölishini keltürüp chiqardi.

Amérika birleshme axbarat agéntliqining xewer qilishiche, el-qa'ide teshkilatigha chétishlighi bar bir kishi heydigen mashina, düshenbe küni amérikining baghdattiki elchixanisi we waqitliq iraq hökümiti jaylashqan yéshil rayonning tekshürüsh ponkitigha bösüp kirgende partlighan hemde neq meydanda 13 kishi ölüp 15i yarilan'ghan.

Amérika hökümiti sadam hüseyin hökümitini aghdurup tashlighandin buyan, sadamning qollighuchiliri iraqta türlük qarshiliq heriketlirini élip barghan bolup, 2003 - yili 3 -aydin hazirghiche bolghan ariliqta iraqta qaza qilghan amérika eskirining sani 1300 ge yetti.

Iraq waqitliq hökümitining prézidénti ghazi el yawér düshenbe küni b b s radi'osining ziyaritini qobul qilghanda, amérika bashchilighidiki birleshme armiyining sadam hüseyinni aghdurup tashlighanda, iraq armiyisini qoralsizlandurishining xata ikenlikini bildürdi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet