I'ordaniyidiki partlashta ölgenlerning ichide xitay puqralirimu bar

El - qayde teshkilati peyshenbe küni éntérnétte bayanat élan qilip, charshenbe küni i'ordaniyining paytexti amman shehiride yüz bergen bir yürüsh özini öltürüwélish xaraktérlik partlitish weqelirining özliri teripidin élip bérilghanliqini bildürdi.

Charshenbe küni ammandiki gherb méhmanxanilirida üch qétim arqa- arqidin patlash yüz bérip, kem digende 56 adem ölgen . Yüzdin artuq adem yarilan'ghan idi.

Islam pida'iylirining bir tor bétide élan qilin'ghan bu bayanatta, i'ordaniyining hojum nishani qilinishining sewebini " ular barghansiri islamning düshmenliri yehodiylar we xiristiyan diniy teriqetchilirining arqa hoylisigha aylandi" dep körsitilgen. Bu bayanat el- zerqayi yitekchilikidiki iraqtiki el- qayde teshkilatining nami bilen élan qilin'ghan.

Hazirche bu bayanatning rast- yalghanliqi ispatlanmidi. Biraq i'ordaniyidiki axbarat da'irilirining qarishiche, bu hujumlarning shekli el- qaydining hujum qilish uslubigha oxshaydiken.

I'ordaniye saqchi da'irilirining bildürüshiche, charshenbe küni ammandiki bir yürüsh partlash weqeside ölgenler ichide xitay dölet mudapi'e uniwérsitéti wekiller ömikining üch neper xadimimu bar. (Arzu)