Бан кимун алҗирийидә йүз бәргән партлаш вәқәсини тәкшүрүшкә адәм әвәтти


2007.12.12
Share on WhatsApp
Share on WhatsApp

Бирләшкән дөләтләр тәшкилатиниң баш катипи бан кимун бүгүн алҗирийидә йүз бәргән партлаш вәқәсини тәкшүрүшкә адәм әвәтти. Униң ейтишичә, алҗирийидә йүз бәргән партлитиш вәқәсидә һаятидин айрилған кишиләр ичидә б д т хадими 11 нәпәр.

Америка авазниң баян қилишичә, бан кимун әпәнди бу вәқәгә болған һессиятини 'ғәзәпни бесиш қейин ' дегән сөз билән тәсвирлигән.

Б б с ниң баян қилишичә, 12 ‏- айниң 11 ‏- күни бирләшкән дөләтләр тәшкилатиниң тәрәққият -пиланлаш мәһкимиси билән мусапирлар мәһкимисиниң алҗирийидики ишханиси бар бинаниң алдида кәйни-кәйнидин икки қетим партлаш йүз бәргән иди. Алҗирийә гезитлириниң қутқузуш-давалаш хадимлириниң ейтқанлириға асасән хәвәр қилишичә, бу вәқәдә 72 адәм өлгән, 177 адәм яриланған. Алҗирийидә қолға елинған бир радикал паалийәтчиниң иқрар қилишичә, бу вәқәни 'салафистчилар' дәп атилидиған дин һәққидә вәз ейтқучи вә җәң қилғучи тәшкилат буниңдин икки һәптә бурун пиланлашқа башлиған икән.

Франсийә агентлиқиниң баян қилишичә, алҗирийидә әл-қаидичиләр пәйда қилған бирла вақитта икки аптомобил билән партлитиш вәқәсидә хитай ишчилиридин бири өлгән 7 киши яриланған. Һазир алҗирийидә хитайниң дөләт игиликидики қурулуш ширкитиниң 10 миң ишчиси бар. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.