Ban kimun aljiriyide yüz bergen partlash weqesini tekshürüshke adem ewetti

2007-12-12
Élxet
Pikir
Share
Print

Birleshken döletler teshkilatining bash katipi ban kimun bügün aljiriyide yüz bergen partlash weqesini tekshürüshke adem ewetti. Uning éytishiche, aljiriyide yüz bergen partlitish weqeside hayatidin ayrilghan kishiler ichide b d t xadimi 11 neper.

Amérika awazning bayan qilishiche, ban kimun ependi bu weqege bolghan héssiyatini 'ghezepni bésish qéyin ' dégen söz bilen teswirligen.

B b s ning bayan qilishiche, 12 ‏- ayning 11 ‏- küni birleshken döletler teshkilatining tereqqiyat -pilanlash mehkimisi bilen musapirlar mehkimisining aljiriyidiki ishxanisi bar binaning aldida keyni-keynidin ikki qétim partlash yüz bergen idi. Aljiriye gézitlirining qutquzush-dawalash xadimlirining éytqanlirigha asasen xewer qilishiche, bu weqede 72 adem ölgen, 177 adem yarilan'ghan. Aljiriyide qolgha élin'ghan bir radikal pa'aliyetchining iqrar qilishiche, bu weqeni 'salafistchilar' dep atilidighan din heqqide wez éytquchi we jeng qilghuchi teshkilat buningdin ikki hepte burun pilanlashqa bashlighan iken.

Fransiye agéntliqining bayan qilishiche, aljiriyide el-qa'idichiler peyda qilghan birla waqitta ikki aptomobil bilen partlitish weqeside xitay ishchiliridin biri ölgen 7 kishi yarilan'ghan. Hazir aljiriyide xitayning dölet igilikidiki qurulush shirkitining 10 ming ishchisi bar. (Weli)

Pikirler (0)
Share
Toluq bet