Amérika, xitaydin saxta mal ishlepchiqarghuchilarni qattiq jazalashni telep qildi

Amérikining soda ministiri don iwanis yekshenbe küni xitay hökümitining, xitaydiki eqliy emgek mehsulatlirining patént hoquqini oghrilighan saxta mal ishlepchiqarghuchilarni qattiq jazalishini telep qildi.

U xitaygha qilidighan sepirining harpisida agahlandurup, "xitay hökümiti keng kölemde mewjut boliwatqan saxta mal yasash jinayetlirini basturush iradisini ipadilesh üchün, bu xil jinayetlerni sadir qilghanlarni türmige tashlashqa bashlishi kérek" didi.

Roytérs agéntliqining xewirige qarighanda, xitay shirketliri amérika shirketlirining ishlepchiqarghan muzika, kino filimliridin tartip, tughut cheklesh dorisighiche bolghan her xil mallirining paténtini oghrilap, her yili amérika shirketlirini nechche milyard dollarliq ziyan'gha uchratmaqta. Xitay da'iriliri gerche eqliy emgek mehsulatlirining patnént hoqoqini qoghdaydighanliqini bildürgen bolsimu, emma uninggha xilapliq qilghuchilargha peqet az miqtarda jerimane qoyidu.

Amérika soda ministiri don iwanis xitay hökümitining nöwette qollan'ghan eqliy emgek mehsulatlirining patént hoquqini qoghdash heqqidiki tedbirlirining yiterlik emeslikini tekitlep, özining kiler hepte xitaydiki ziyariti jeryanida, xitay rehberlirige bu mesilini otturigha qoyidighanliqini körsetti.(Arzu)