Америка органлири һөкүмәттин хитайниң әқлий мүлүк һоқуқиға хилаплиқ қилмишлириға тәдбир қоллинишни тәләп қилди


2005-02-10
Share

Америкидики музика, киночилиқ вә компютер юмшақ диталлири санаити бирлишип, түнҗи қетим америка һөкүмитидин дуня сода тәшкилатида, хитайниң әқлий мүлүк һоқуқиға хилаплиқ қилмишлири үстидин қануний тәдбир елишни тәләп қилди.

Хәлқара әқлий мүлүк һоқуқи бирләшмиси бу һәқтә чаршәнбә күни америка һөкүмитиниң сода вәкиллири ишханисиға рәсмий мәктүп сунған.

Ройтирс агентлиқиниң хәвиригә қариғанда, америкидики музика, киночилиқ вә компиютер юмшақ диталлири санаити, хитайда кәң тарқалған әқлий мүлүк һоқуқиға хилаплиқ қилмишлар сәвәбидин, америка ширкәтлириниң өткән йилила икки йерим милярд доллар зиянға учриди, дәп қарайдикән.

Хәлқара әқлий мүлүк һоқуқи бирләшмиси, әқлий мүлүк һоқуқини қоғдаш мәсилисигә хитай рәһбәрлириниң диққитини тартиш керәкликини көрсәтмәктә.

Америкидики алақидар даириләрниң мөлчәрлишичә, хитайда сетиливатқан америкиниң нахша- музика, кино дескилири вә компютер юмшақ диталлириниң 90٪ и қанунға хилап һалда көчүрүп тарқитилған буюмлар икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт