Amérika organliri hökümettin xitayning eqliy mülük hoquqigha xilapliq qilmishlirigha tedbir qollinishni telep qildi


2005.02.10

Amérikidiki muzika, kinochiliq we kompyutér yumshaq ditalliri sana'iti birliship, tünji qétim amérika hökümitidin dunya soda teshkilatida, xitayning eqliy mülük hoquqigha xilapliq qilmishliri üstidin qanuniy tedbir élishni telep qildi.

Xelq'ara eqliy mülük hoquqi birleshmisi bu heqte charshenbe küni amérika hökümitining soda wekilliri ishxanisigha resmiy mektüp sun'ghan.

Roytirs agéntliqining xewirige qarighanda, amérikidiki muzika, kinochiliq we kompiyutér yumshaq ditalliri sana'iti, xitayda keng tarqalghan eqliy mülük hoquqigha xilapliq qilmishlar sewebidin, amérika shirketlirining ötken yilila ikki yérim milyard dollar ziyan'gha uchridi, dep qaraydiken.

Xelq'ara eqliy mülük hoquqi birleshmisi, eqliy mülük hoquqini qoghdash mesilisige xitay rehberlirining diqqitini tartish kéreklikini körsetmekte.

Amérikidiki alaqidar da'irilerning mölcherlishiche, xitayda sétiliwatqan amérikining naxsha- muzika, kino déskiliri we kompyutér yumshaq ditallirining 90٪ i qanun'gha xilap halda köchürüp tarqitilghan buyumlar iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.