Америка, әқлий мүлүк һоқуқи вә тоқумичилиқ мәһсулатлирини екиспорт қилиш мәсилисидә бейҗиңни агаһландурди


2005.06.02
Share on WhatsApp
Share on WhatsApp

Бейҗиңни зиярәт қиливатқан америка сода министири гутерис пәйшәнбә күни әқлий мүлүк һоқуқи вә хитай тоқумичилиқ мәһсулатлирини екиспорт қилиш мәсилисидә хитайни агаһландурди.

Америка бирләшмә ахбарат агентлиқиниң хәвиригә қариғанда, гутерис " америка вә хитай тоқумичилиқ мәһсулатлири содиси мәсилисидә, йәнә сөһбәтлишиш имканийити бар. Бирақ әқлий мүлүк һоқуқиға дәхлий тәруз қилиш мәсилиси болса җинайи қилмиш. Буни чоқум җинайи ишларни бир тәрәп қилиш йоли билән һәл қилиш керәк" деди.

У йәнә хитайниң тоқумичилиқ мәһсулатлирини екиспорт қилиш мәсилисини яхши бир тәрәп қилмиғанда, башқа әлләрдә содида қоғдиниш еқимини кәлтүрүп чиқириш хәвпи барлиқини тәкитлиди.

Америка сода министири гутерис пәйшәнбә күни бейҗиңға йитип кәлгән болуп,у хитай әмәлдарлири билән үч күн сөһбәттә болиду. Гутерис йәнә хитай сода минситири бошиләй вә муавин баш министир вуйи билән учрушуп, хитайниң тоқумичилиқ мәһсулатлирини екиспорт- импорт қилиш мәсилисини музакирә қилиду.

Америка вә яврупа иттипақи йеқинда, хитайниң бир қисим тоқумичилиқ мәһсулатлириға сан чәклимиси қоюп, хитайниң қаттиқ наразилиқини қозғиған . Бу йил 1 - айда туқумичилиқ мәһсулатлириға қаритилған хәлқара сан чәклимиси бикар қилинғандин буян, хитайниң тоқумичилиқ мәһсулатлири екиспорти интайин тез ашқан иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.