Amérika, eqliy mülük hoquqi we toqumichiliq mehsulatlirini ékisport qilish mesiliside béyjingni agahlandurdi


2005-06-02
Share

Béyjingni ziyaret qiliwatqan amérika soda ministiri gutéris peyshenbe küni eqliy mülük hoquqi we xitay toqumichiliq mehsulatlirini ékisport qilish mesiliside xitayni agahlandurdi.

Amérika birleshme axbarat agéntliqining xewirige qarighanda, gutéris " amérika we xitay toqumichiliq mehsulatliri sodisi mesiliside, yene söhbetlishish imkaniyiti bar. Biraq eqliy mülük hoquqigha dexliy teruz qilish mesilisi bolsa jinayi qilmish. Buni choqum jinayi ishlarni bir terep qilish yoli bilen hel qilish kérek" dédi.

U yene xitayning toqumichiliq mehsulatlirini ékisport qilish mesilisini yaxshi bir terep qilmighanda, bashqa ellerde sodida qoghdinish éqimini keltürüp chiqirish xewpi barliqini tekitlidi.

Amérika soda ministiri gutéris peyshenbe küni béyjinggha yitip kelgen bolup,u xitay emeldarliri bilen üch kün söhbette bolidu. Gutéris yene xitay soda minsitiri boshiley we mu'awin bash ministir wuyi bilen uchrushup, xitayning toqumichiliq mehsulatlirini ékisport- import qilish mesilisini muzakire qilidu.

Amérika we yawrupa ittipaqi yéqinda, xitayning bir qisim toqumichiliq mehsulatlirigha san cheklimisi qoyup, xitayning qattiq naraziliqini qozghighan . Bu yil 1 - ayda tuqumichiliq mehsulatlirigha qaritilghan xelq'ara san cheklimisi bikar qilin'ghandin buyan, xitayning toqumichiliq mehsulatliri ékisporti intayin téz ashqan idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet