Пәләстинниң вақитлиқ рәһбири мәһмуд аббас оқ һуҗумидин қутулуп қалди

Пәләстинниң вақитлиқ рәһбири мәһмуд аббас йәкшәнбә күни арафатниң кәписигә киришигә бир түркүм қораллиқ кишиләр шоар товлап қалаймиқан оқ чиқарған. Тоқунушта гәрчә мәһмуд аббас өзи оқ һуҗумидин қутулуп қалған болсиму, әмма униң икки нәпәр қоғдиғучиси қаза қилған.

Америка бирләшмә ахбарат агентлиқиниң хәвиригә қариғанда, аббас қораллиқ кишиләрниң уни нишан қилмиғанлиқини, бу трагидийиниң пәқәт қалаймиқан оқ чиқириш нәтиҗисидә келип чиққанлиқини тәкитлигән.

Пәләстин рәһбири ясир арафат вапат болғандин кейин, мәһмуд аббас -1айниң -9 күнигә бекитилгән пәләстин президент сайлимиғичә болған арилиқта вақитлиқ рәһбәрлик вәзиписини өтәшни үстигә алған иди. Бу көп қисим пәләстинликләрниң қоллишиға еришсиму, лекин йәнила бир қисим пәләстинликләр буниңға нарази болған.

Пәләстинниң йеңи рәһбәрлик қатлими арафатниң өлимидин кейин, пәләстинниң муқимлиқи вә тинчлиқини алаһидә тәкитлиди, шундақла мунасивәтлик орунлар җиддий һәрикәткә өтүп мушуниңға охшаш зораванлиқ һәрикәтләрдин сақлинишқа тиришмақта. (Пәридә)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар