Пәләстиндә президент сайлими өткүзүлди


2005-01-09
Share

Пәләстин хәлқи йәкшәнбә күни сайлам өткүзүп, вапат болған рәһбири ясир арафатқа избасарлиқ қилидиған пәләстин һоқуқ оргининиң йеңи рәһбирини сайлашқа башлиди.

Әнгилийә б б с радио- телевизийисиниң хәвиригә қариғанда, сайлам йәрлик вақит билән әттигән саәт йәттидә башлинип, кәч саәт йәттигичә давам қилған.

Ғәззә райони вә иордан дәрясиниң ғәрбий қирғиқидики 2800 дин артуқ сайлам понкитлирида сайлам тәртиплик елип берилған. Кишиләрниң қизғинлиқиму юқири болған. Бирақ йерусалемниң шәрқидики сайлам понкитлирида болса бир қатар мәсилиләр көрүлгән. Бир қисим пәләстинликләр исраилийә даирилириниң өзлирини сайлам мәйданидин һәйдивәткәнликини шикайәт қилған.

Бу қетимқи сайлам,1996 - йилидин буян пәләстиндә өткүзүлгән түнҗи омумий сайлам болуп һесаблиниду. Пәләстин хәлқи йәттә нәпәр кандидат ичидин пәләстин миллий һөкүмитиниң рәисини сайлап чиқиду. Хәлқара җәмийәт сайламға алаһидә диққәт - етибарини берип, 800 дин артуқ күзәткүчи хадимларни әвәткән.

Сайламниң нәтиҗиси дүшәнбә күни елан қилиниду. Бирақ һазирқи әң йеңи рай синашниң нәтиҗисигә қариғанда, пәләстинниң сабиқ баш министири, фатих һәрикитиниң рәһбири мәхмуд аббас ٪ 65 авазға еришип, сайламға ғәлибә қилиши мумкин икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт