Дуня җамаәтчилики маһмут аббасниң сайланғанлиқини еһтиятчан үмидварлиқ билән қарши алди


2005-01-10
Share

Хәлқара җамаәтчилик дүшәнбә күни маһмут аббасниң пәләстин миллий һакимийәт оргининиң рәиси болуп сайланғанлиқини еһтиятчан бир үмидварлиқ билән қарши алди.

Нурғунлиған кишиләр маһмут аббасниң пәләстин миллий һакимийәт оргининиң рәиси болуп сайланғанлиқи, пәләстин хәлқиниң өзиниң мустәқил дөлитини қуруп чиқишиға шундақла оттура шәрқтә тинчлиқниң тиклинишигә сәвәп болуши мумкин дәп қаримақта.

Америка президенти буш йәкшәнбә күни бир баянат елан қилип, ғәззә вә иорданийә дәрясиниң ғәрбий қирғиқида елип берилған сайламға қатнашқучилар саниниң көпликидин үмидләнгәнликини вә оттура шәрқтә тинчлиқни тикләш һәрикәтлирини күчәйтидиғанлиқини билдүрди . Президент буш баянатида, бу пәләстин хәлқи шундақла пүтүн оттура шәрқ хәлқи үчүн тарихий бир күн дәп көрсәтти.

яврупа иттипақиниң рәиси хозә манивәл баросса лозәмбургда бәргән баянатида, бу сайлам турақлиқ вә демократик бир пәләстин дөлитиниң қурулуши үчүн интайин муһим бир қәдәм. Әмди мунасивәтлик пүтүн тәрәпләр районда тинчлиқ орнутуш үчүн биргә ишлиши кирәк. Исраилийә баш министири ариәл шарон билән маһмут аббасниң йеқинда учришишни пиланлиғанлиқи кишини үмидләндүридиған бир һәрикәт, диди.

Йәкшәнбә күни пәләстин хәлқиниң рәһбири ясир арафатниң орунбасарини сайлаш үчүн елип берилған сайламда, әлфәтә һәрикитиниң рәһбәрлиридин болған маһмут аббас авазларниң 62 пирсәнттин көпрәкини қолға кәлтүрүп пәләстин миллий һакимийитиниң рәиси болуп сайланди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт