Xitay, pelestin bilen iqtisadiy jehette hemkarlishishqa wede qildi


2005-05-18
Share

Pelestin rehbiri mahmud abbas charshenbe küni béyjingda, xitayning yuqiri derijilik emeldarliri bilen körüshti. Shundaqla ottura asiyadiki tesir da'irisini kéngeytishke alahide küchewatqan xitay hökümiti pelestin bilen iqtisadiy hemkarliq ornitishqa wede qildi.

Arafat wapatidin kéyin uning ornigha chiqqan pelestin rehbiri mahmud abbas xitaydiki bu tunji qétimliq ziyaritide, xitay re'isi xu jintaw we bash ministir wén jyabawlar bilen körüshti.

Fransiye agéntliqining xewirige qarighanda, xu jintaw mahmud abbas bilen körüshkende, xitay bilen pelestin otturisidiki uzun mezgillik dostluq munasiwitini tereqqiy qildurushning, xitayning dölet siyasiti ikenlikini, shundaqla ikki döletning yuqiri derijilik emeldarliri we hoquqtiki partiyiler otturisida alaqe baghlap turushning ikki dölet dostluqini ilgiri sürüshke paydiliq ikenlikini bildürdi. Shundaqla ikki terep 5 türlük soda kélishimi imzalidi.

Mahmud abbas xitaygha kélishtin awal yaponiyini ziyaret qilghan. Shundaqla u yaponiyidin 100 milyon dollarliq yardemge érishken idi. Küzetküchiler xitay hökümitining yaponiye bilen riqabetlishish we ottura sherq siyasiy sehniside rol oynash meqsitide pelestin'ge yéqinlishiwatqanliqini perez qilmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet