Pelestin yéngi hökümiti quruldi


2007.06.17
Share on WhatsApp
Share on WhatsApp

Xamas bilen fatah arisidiki qoralliq toqunushta xamas ghezza rayonida üstünlükni igiligendin kéyin pelestin hökümitining re'isi maxmud abbas birleshme hökümetni bikar qiliwétip, yekshenbe küni yéngi hökümet tesis qildi shuningdek xamas teshkilatining qoralliq küchlirini qanunsiz dep jakarlidi.

B b s agéntliqining xewerlirige asaslan'ghanda, xamas teshkilatining ademliri kirmigen yéngi hökümet ramalla shehiride qesem bérish murasimi ötküzgen bolup, qesem bérishke maxmud abbas riyasetchilik qildi. Bu hökümetke pelestinliklerning hörmitige érishken partiyisiz erbab, iqtisadshunas salam fayad bash ministir bolghan. Yéngi hökümet qesem bérip, pelestin asasiy qanunigha boysunup, pelestinliklerni ittipaqlashturidighanliqini jakarlighan. Démek, nöwette, mezkur yéngi hökümet xamas-fatax birleshme hökümitining ornini igiligen.

Biraq, xamas teshkilati bu hökümetni étirap qilmighan bolup, pelestinni yenila özliri idare qilidighanliqini bildürüshken. Nöwette, i'ordan deryasining gherbiy qirghiqi yenila fataxning qolida bolup, pelestin ikki partiye küchliri teripidin ayrim-ayrim idare qilinmaqta.

Xewerlerge qarighanda, isra'iliye ghezze rayonini yéqilghu bilen teminleshni toxtatqan. Pelestin mesilisi b d t , amérika, rusiye, isra'iliye hökümetliri teripidin jiddiy muzakire qilinmaqta.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.