Isra'iliye hökümiti 250 tutqunni qoyup béridu


2007.07.08
Share on WhatsApp
Share on WhatsApp

Isra'iliye hökümiti 250 neper pelestinlik tutquni qoyup bérish arqiliq maxmud abbas rehberlikidiki yéngi pelestin hökümitini qollaydighanliqini ipade qilghan.

Isra'iliye bash ministiri ormotning yekshenbe küni bildürüshiche, isra'iliye hökümiti barliq amallardin paydilinip, pelestindiki mötidil küchlerni mustehkemleydu, amérika awazining xewirige qarighanda, nöwette, isra'iliye da'iriliri pelestinning musteqilliqi üchün küresh qilghan xamas we fatah teshkilatining ezaliri we bu xil idiyige mensup bolghan 10 mingdin artuq pelestinlikni tutup turiwatqan bolup, yéqinda fatah bilen xamas arisidiki toqunushtin kéyin, birleshme hökümet emeldin qaldurulghan hemde maxmud abbas fatah teshkilatini asas qilip, yéngi pelestin hökümitini teshkil qilghan idi.

Fatah mötidil xaraktérgha ige teshkilat bolup, ular isra'iliye bilen söhbetlishishni xalaydu , emma, xamas bolsa, isra'iliye dölitini inkar qilidu. Ene shu pikir ixtilapi tüpeylidin bir millettin bolghan ikki partiye bir-biri bilen chiqishalmay kelgen idi.

Isra'iliye bash ministiri ormot bu qétim fatah partiyisidin kélip chiqqan 250 tutqunni qoyup bérishning pelestin -isra'iliye di'alogi üchün shert hazirlash bolidighanliqini eskertken. Lékin , isra'iliye hökümiti qaysi tutqunlarni qoyup béridighanliqini qarar qilmighan shuningdek xamas teshkilati buninggha qarshi chiqip, maxmud abbasni isra'iliye bilen til biriktürdi dep eyibligen.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.