Ottura sherq ténchliq mesilisi xadimliri ténchliq wekili bilayér bilen uchrashti


2007.07.19
Share on WhatsApp
Share on WhatsApp

Ottura sherq ténchliq mesilisi buyiche xelq'ara 4 terep kélishim xadimliri, peyshenbe küni portugaliye paytexti lissabunda, mezkür teshkilatning yéngi ténchliq wekili ‏- en'giliyining sabiq bash weziri blayér bilen uchrashti.

Xewerlerge qarighanda, bu qétimqi uchrishishta blayérning otturigha qoyidighan yéngi pilanliri üstide muzakire élip bérish bilen birge, amérika prézidénti jorj bushning düshenbe küni isra'iliye bilen pelestinning ténchliqini qolgha keltürüsh üchün xelq'ara yighin chaqirish teshebbüsi muzakire qilinidiken.

Ottura sherq ténchliq mesilisi buyiche xelq'ara 4 terep teshkilati, amérika , rusiye, birleshken döletler teshkilati we yawrupa ittipaqidin teshkillen'gen bolup, eslide bu teshkilat ötken ay yighin chaqirishni pilan qilghan idi. Biraq xamas teshkilati bilen maxmut abbas hökümiti otturisida yüz bergen toqunushlar tüpeyli yighinning waqti kéchiktürülgen .

Blayér ötken ay en'giliyining bash wezirlik wezipisidin istipa bergendin kéyin, ottura sherq ténchliq mesilisi buyiche xelq'ara 4 terep teshkilatining ténchliq wekili bolushqa qoshulghan idi.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.